MOLLARRI LABURMETRAIAREN ESTREINALDIA

Datorren apirilaren 18an Monumentu eta Leku Historikoen Nazioarteko Eguna ospatuko da. Egun honen helburua gizadiaren kultura ondarearen aniztasunaz, kalteberatasunaz eta hura zaindu eta kontserbatzeko beharrezkoa den esfortzuaz kontzientziatzea da.

Egun honen baitan, Zarauzko Udalak Xabier Eizaguirre zarauztarraren “Mollarri” laburmetraia emango du Modelo Aretoan. Lan honek XX. mendearen hasierako Zarautzera eramango ditu ikusleak, Malla Arriko zamalekua martxan zegoen garaira. Dokumental hau Modelo Aretoan apirilaren 14tik 19ra emango diren zinema saio guztien aurretik ikusi ahal izango da.

Efektu bisualak eta zinemako telesail eta filmetako VFX konbinatzen duen formatua erabiliz, dokumental honek garaiko testuinguru historikoaren zati bat irudikatzen du, orain arte ikusi gabeko aspaldiko Zarautzen irudi bat sortuz.

Zuzendaria: Xabier Eizaguirre
Soinuaren diseinua eta musika: Asier Mendoza
Argazki zuzendaritza: Ritxi Goya eta Xabier Eizaguirre
Narratzailea: Xabier Euzkitze
Iraupena: 8´20´´