Photomuseumek sustatu eta Zarauzko Udalak babestutako kulturaren difusiorako programa da. Lau alor tematikoetan banatzen da: Gaur eguneko gaiak, Zinematografia, Historia eta Literatura.

18:00etan hasiko da saioa, eta ohi bezala, doakoa izango da.

Otsailak 13: "Mendekuaren indarra zineman"

Mendekua hasieratik zinemaren gai handienetarikoa izan da. Mota guztietako generoetan agertzen da: westernean, zinema beltzean, drama historikoan edo zinema garaikidean. Winchester ’73, Unforgiven, Taxi Driver, Oldboy edo The searchers filmek erakusten dute mendeku-desioak istorioari zentzua eman diezaiokeela.

Zineman, mendekua galera, umiliazio edo injustiziatik sortzen da askotan. Hasieran erantzun ulergarritzat eta zilegitzat ere har daiteke. Hala ere, film askok erakusten dute bultzada hori pixkanaka obsesio bihurtzen dela. Pertsonaia ez da beste ezertarako bizi: mendekuak bere nortasuna definitzen du eta besteengandik urruntzen du.

Informazio gehiago >> www.photomuseum.es