Zarautz da duela mende bat baino gehiagotik familiek gogokoen duten euskal itsasertzeko jomugetako bat. Isabel II .a erreginak jada aukeratu zuen herria bere seme-alabekin batera uda pasatzeko, eta, gaur egun ere, hondartza, natura eta gastronomia uztartzen dituen eskaitzari esker herria familian gozatzeko helmuga ezin hobea izaten jarraitzen du.mendearen etorrerarekin,
Zarautz, zalantzarik gabe, Euskadiko familia-turismoaren erreferente nagusietako bat da, eta ez du soilik horrela izaten jarraitu nahi, baizik eta merkatu horretan bikaintasuna bilatzen du. Horretarako, Euskadiko Familia Turismoa alorrean parte aktiboa da, eta Familia Turismoaren Zigilua du.
Familiei zuzendutako eskaintza zabalaren artean, mugikorrarekin jokatzen den (web app) "Azken Balea" izeneko joko interaktiboak, Zarauzko baleen historia eta tradizioa ezagutzen laguntzen digu. Balea dibertigarri bat protagonista duten bi euskarri ere badaude: Zarauzko plano bat eta liburuxka digital bat. Bietan, familian bidaiatu nahi dutenei egokitutako jarduerak, baliabideak, zerbitzuak eta abar zehazten dira.
Osagai horiek guztiek, eta oraindik ezagutzeko dituzuen beste askok, familian gozatzeko helmuga ezin hobea bihurtzen dute Zarautz. Zuen zain gaude, etorri nahi al duzue?
Erantsitako planoan, Zarautz familian bisitatzeko funtsezkoa den guztia dago.
Erantsitako planoan, Zarautz familian bisitatzeko funtsezkoa den guztia dago.
