Uztaila eta abuztuan Iñurritzako Biotopoa eta Zingira basoa ezagutzeko aukera izango da. Bisitak doakoak dira eta, beti, euskaraz eta gazteleraz eskainiko dira.
 
Iñurritzako Biotopoa eta Zingira basoa Natura 2.000 sarearen baitan babestuta dauden eremuak dira. Iñurritzak Biotopo izendapena du 1997 urteaz geroztik, errekako eta hezeguneko ekosistemak duten bioaniztasuna eta zaurgarritasuna babesteko. Bertako duna Kantaurialdean kontserbatzen diren gutxienetakoa da eta bertan aurki ditzakegu galtzeko zorian dauden hainbat landare. Hegazti askori ere babesa ematen die gune honek, bereziki, hegazti migratzaileei.
 
Bestalde, Zingira basoan aurkitzen diren Arkamurka zuhaitzek duela milaka urte Kantaruko kostaldea okupatu zuten, baina, gaur egun, toki gutxi batzuetan ikusi daitezke. Zehazki, Garate Santa Barbarako arkamurkak dira geratzen diren bakanetakoak eta, horregatik, baso erlikia osatzen dute. Hortik dator, beraz, Arkamurkak bioaniztasunerako erreserba garrantzitsu gisa mantentzearen garrantzia.

                                   2020ko bisiten kartela